Min Aung Hlaing A Thinphang !!!

Myanmar ramsung thuneihnak latu kum 65 mi Min Aung Hlaing cu a thinphang tuk. Leitlun huap thuṭhennak zung International Criminal Court (ICC) le Argentina ram ih Federal Court ah tazacuai a tongsal ih December 16, 2021 ah a thuhla cu court ah an buaipi rero.

Min Aung Hlaing le a kuthnuai ralbawi 6 pawl cu UK ramsung ih um Myanmar Rohingya Association pawlkom in taza an cuai, 2017 kum ah Rohingya miphun pawl cu nuai cimit a tum tin tetti kimcang thawn thubuai an thehlut ih Min Aung Hlaing in a simfiang awk tengteng a ṭul ding tin tazacuaitu pawlin media hnenah an sim thei.

NLD cozah lai khalah himi thubuai thotho in Gambia ram in taza arak cuai zo. Tuiṭum ahcun ramsung thuneihnak a la ih ramsung mipi pawl a that ciamco ruangah Min Aung Hlaing ih dinhmun cu a se tuk zo ruangah a thinphang tuk.

December 25 sun ah ramdang ihsin cakuat, ICC le Federal Court ihsin cakuat cu ramsung ah lut lo dingin theihternak an tuah, ICC le Federal Court ihsin cakuat hrimhrim cu cohlang lo dingin ralhrang pawlin thu an suah. DHL cakuatnak, Courier Express Service le cakuat awknak zaten hnenah theihternak an pe.

Leitlun huap thuṭhennak ICC le Federal Court ihsin konak cakuat cu ralhrang pawlin an rak cohlang tum lo ih an kutsung ih thleng ding khal an duh lo ruangah lamzin an rak phit cia thluh. Leitlun huap thuṭhennak zung International Criminal Court (ICC) ah thiamlo a co asilen thihdaan & damsung thawngthlak a tong thei.

Be the first to comment

Leave a Reply

Your email address will not be published.


*