Min Aung Hlaing Cu Kachin Khawpi Ah A Feh, Tlawngta Pawlin Lamzawhnak An Nei

Myanmar ramsung a buai rero laiah thuneihnak latu Min Aung Hlaing cu hnangam zetin hmun dangdang ah a tlawngkual rero.

September 18 zinglam nazi 10:00 hrawngah Kachin khawpi Myitkyina a thleng fel ih sunglawi zetin ralkap cozah tantu pawlin an rak hmuak.

Ralkap pawl ih retmi Kachin ram Chief Minister in arak hmuak ih an hnam thuam pawl a pe cu mipi an thinheng tuk. Tualsung mi pakhat in, “Manisun cu Security an tamtuk, hmuntinkim ah an um thluh.

Tuisun ahcun an ziaum deuh, Puta-O lamah a feh tum an ti” tin media hnenah a sim thei. Tlawngta pawlkom in ralkap cozah kan duh lo tin lamzawhnak an rak nei. Min Aung Hlaing in ramri ih um BGF pawl hotu le ralkap pawl hotu a tong tum.

Be the first to comment

Leave a Reply

Your email address will not be published.


*