Min Aung Hlaing Cu Kachin, Puta-O Ah A Feh Tumsal, Puta-O-PDF Pawl Khal Raldo Dingin An Mancia Thepthep

Kum 65 mi Min Aung Hlaing Cu Kahcin ramkulh, Puta-O khua a tlawng tumsal ih a kuthnuai ih um a naule pawl ava tong tum. Puta-O khawpi cu ralkap pawl ih hmunpi pakhat a si ih Puta-O kiangkap ih um a naule pawl a tong tum, September 18 ah Min Aung Hlaing cu Kahcin khawpi Myitkyina ah arak tlawng zo.

Myitkyina khawpi ah zankhat a riak ih a thaizing ah Puta-O feh a tum nan KIA pawlin feh an siang lo ruangah Shan ramsung Lashio khawpi lamah a pial.

Ralkap thuthang ah an pu Min Aung Hlaing cu Puta-O lam a fehlonak san cu KIA áš­ih ruangah asilo, khami ni ah nikhua a siat ruangah a si, khua a dai tuk ih ruah a sur ciamco ruangah a harhdamnak hrangah kan kirsal tin an phuang.

Min Aung Hlaing in Myanmar ramsung thuneihnak a lak hnu ihsin hmun dangdang ah a tlawngkual vivo ih a naule pawl hnenah thazang peknak le forhfialnak anei vivo.

October thla sungah Puta-O khua ah a fehsal tum ti thawmvang aum veten KIA kuthnuai ih um Puta-O-PDF pawlin doawknak an man thepthep thu September 28 sun ah an phuang. Ralkap pawl hotu Min Aung Hlaing cu Kachin ram ah ava tlawngsal asilen doawknak nasa zet a thleng thei.

Be the first to comment

Leave a Reply

Your email address will not be published.


*