Min Aung Hlaing Cu KIA Pawl Ruangah Puta-O A Feh Ngah Lo, Kachin Ramsung Ah Banhla Hmuan A Zoh

Myanmar ramsung thuneihnak latu Min Aung Hlaing cu Myanmar ramsung ah a tlawngkual vivo. September 18 zinglam nazi 10:00 hrawngah Kachin khawpi Myitkyina a thleng fel ih sunglawi zetin ralkap cozah tantu pawlin an rak hmuak.

Thuneihnak a lak ihsin Kachin ram a veikhat tlawnnak a si. September 18 sun cu Myitkyina khawpi ah a cam ih ralkap bawi pawl hmaiah thusimnak anei. September 19 zing ah Puta-O lamah a feh tum ih ramri ih um BGF pawl hotu le ralkap pawl hotu ton a tum.

Asinan Puta-O fehnak lamzin cu KIA pawlin an rak khar thluh ih zohman feh an siang lo. Min Aung Hlaing khal feh an siang lo ruangah Lashio khawpi lamah an pial tin tualsung mi pakhat in Kachin News hnenah a sim thei.

Lashio khawpi ah ralkap cozah duhtu khuanu khuapa pawl thawn an tongaw ih “Cet hrang hmanmi siiti, ei le in hrang siiti pawl cu ramdang ah an kuat rero zo ruangah ramsung ah Electric tlangleng, Electric bus le leihnuai tlangleng pawl an tuah cing ding thu cu suangaw zetin a sim thei.

Hmun dangih arak tlawng lai khalah, “Banhla cing uh, hnawiti anei ṭhami cawpi pawl zuat uh. A cangkangmi banhla cing dan in cing uh. Ramsung hrang lawng siloin ramdang ah kan zuarsuak dingih khawpi tin ah Electric bus kan hmang thei ding, tlangleng khal Electric hmangmi pawl kan nei thei ding” tin forhfialnak arak nei zo. Tuiṭum ih a tlawnnak Kachin ramsung khalah banhla hmuan ah a feh ih banhla an cingdan pawl a zoh rero.

Be the first to comment

Leave a Reply

Your email address will not be published.


*