Min Aung Hlaing Cu Mandalay Ah Ava Tlawng Ih Bomb Thawn An Rak Hmuak

Myanmar ramsung thuneihnak latu kum 65 mi Min Aung Hlaing cu Mandalay ah ava tlawng ih bomb thawn an rak hmuak ruangah ralbawi picang pakhat a thi ih palik bawi pakhat in hliam a tuar. (Min Aung Hlaing cu a him a si ding, a thuhla an langter lo).

Himi bomb puahtu cu Burmese Zamani Group in anmah an si thu an phuangaw. Min Aung Hlaing cu November 3, 2021 ah Mandalay a thleng zo ih khuasung security khal an hngetkho zet.

November 4 zinglam nazi 6:30 hrawngah Mandalay, Maha Aung Myay ramsung ih lungmankhung zuarnak hmunpi, ekinn kiangih um ralkap sakhan ah bomb an deng puak. Min Aung Hlaing hi sui le lungmankhung ngaina zettu a si ih a fehnak hmun ah lungmankhung ava zoh áš­heu.

Bomb puak ruangah ralbawi picang pakhat a thi ih palik bawi pakhat in hliam a tuar. Ralkap in lungmankhung pawl an zuar ding thuhla an suah ruangah Burmese Zamani Group in phuba laknak ah bomb an puah thu an rel. Himi bomb puak ruangah Mandalay ramsung cu security an hngetkho tuk, lamzin ih bike le motor pawl khal uluk zetin an zohdik vivo.

Tualsung mi pakhat in “78th lamzin ah nasa zetin zingzoinak an tuah, hmun dang khalah bike le motor pawl cu uluk zetin an chcek-up vivo” a ti.

Be the first to comment

Leave a Reply

Your email address will not be published.


*