Min Aung Hlaing Ih Naule Pawl Anmah Le Mah An Kapaw Ih Ralkap 23 An Thi

Kayin State, Karen National Union (KNU) 5th Brigade pawl ih leiram sungah ralkap pawl an va lut ih KNU thawn an doaw ciamco.

Augsut 14 le 17 sun ah nasa zetin an kapaw ih ralkap lam 8 an thi, ralkap 2 cu Thailand ramsung ah an va tlanlut ih Thailand ralkap pawlin an rak humhim.

August 19 zanah an kapaw sal ih ralkap pawl bawm dingin Border Guard Forces (BGF) pawl khal an poksuak ve. Tupi sungah ralkap le an kuthnuai ih hnaṭuan BGF pawl cu an theithiam aw lo ih anmah le mah an kapaw, pukpi le RPG in an kapaw ciamco ih ralkap 23 lenglo an thih thu KNDO thuthang ah an tarlang.

Ṭuanvo neitu in “Zanlai ih kan doawknak ah ralkap le BGF pawl an kapaw sual, RPG thawn an kahawknak ruangah ralbawi pakhat telin ralkap 23 lenglo an thi. An ruak cu a tam ngaingai” a ti.

Be the first to comment

Leave a Reply

Your email address will not be published.


*