Min Aung Hlaing Ih Nazi Cu Ting 600 Man A Si, Hivek Nazi Ruangah Myanmar Ramsung Ah Buainak A Thleng Zo

Myanmar ralkap hotu Min Aung Hlaing cu Russia ramah meeting ava kai ih sunglawi zetin an rak ceimawi. Ralkap thiamsang sinak buaih tiang an rak pe.

Cutawk ah leitlun ih nazi mankhung bik Myanmar sumpai in ting 600 man, Patek Philippe nazi a bun. cutik laiah Myanmar mipi le a kuthnuai ralkap pawl cu ei le in ding nei loin an buai rero.

Patek Philippe nazi ruangah Myanmar ramsung ah buainak arak thleng zo. Yangon peng, Chief Minister U Phyo Min Thein in Patek Philippe nazi arak bun dah ih a nazi thuhla cu Eleven Media in an tarlang.

U Phyo Min Thein cu a thlahlawh le a nazi bun mi a milaw lo tin thuthang a lengvak vivo ih eiru tin a hmin a siat ruangah buainak a suak.

U Phyo Min Thein in Eleven Media cu taza a cuai, cun a nazi cu amai lei mi a si lo ih a rualpi sumdawng milian ih pekmi a si thu a rel. Cutin, an buai hnu 2021 rambuai ah U Phyo Min Thein cu ralkap pawlin an kai ih Insein thawnginn ah an khum lai.

Be the first to comment

Leave a Reply

Your email address will not be published.


*