Min Aung Hlaing Ih Nupi Covid-19 In A Damlo Bese

Myanmar ralkap pawl lakah Covid-19 natsia a darh ciamco. Vice-Senior General Soe Win (kum 61) ih nupi Daw Than Than Nwe cu Covid-19 a positive. Damlo bese tuk cu a si hrih lo nan thih ding a ṭih tuk ruangah oxygen ṭul hrih loin oxygen a bunaw ringring zo.

General Soe Win innsang member 5 in Covid-19 natsia an ngah ih pakhat a thi zo, curuangah an innsang zaten quarantine in an um.

Kum 88 mi ralbawi hlun Than Shwe tei innsang khalin Covid-19 an ngah ruangah an kharhkhum aw ih an inn ah sibawi le nurse pawl cu PPE kor hruh in an lut/suak ringring.

Myanmar ralkap pawl hotu Min Aung Hlaing ih nupi duhtak Kyu Kyu Hla khal July 29 sunah Covid-19 a positive ti hmuhsuah a si. A damlo ruangah ni 4 sung vaksuak loin aum zo, private siikhan ah an va check-up ih a positive ti an hmusuak.

Tuisun July 30 ahcun a dinhmun a sia deuhdeuh ih a oxygen dinhmun khal a tlaniam. Myanmar ralkap pawl lakah Covid-19 natrik a darh ciamco ruangah August thla ih Press Conference cu an ṭhulh tum, thupi tuk rel ding aum asilen Video Conference in an nei ding. Min Aung Hlaing le Soe Win ih nupi in Covid-19 an ngah ruangah anmah khal Covid-19 nathrik ngah thei dinhmun ah an um.

Be the first to comment

Leave a Reply

Your email address will not be published.


*