Min Aung Hlaing Ih Sumpai Laklutnak Gas Pipeline Cu PDF Pawlin An Bomb Siat

Mon State, Thaton Township, Win Sein le Sakhangyi khua karlak ih um Gas Pipeline cu tualsung PDF pawlin an bomb siat thu theih a si.

July 27, 2021 zan nazi 8:00pm ah an bomb siat, hi gas pipeline cu Yadana gas project fehtlang ihsin an lasuak ih Myanmar ralkap pawl ih sumdawngnak hrampi pakhat a si.

Myanmar leihnuai ih um gas ṭha zet natural gas cu an hipsuak ih Thailand cozah hnenah an pe, curuangah Thailand cozah khalin Myanmar ralkap pawl cu a thangsiat ngamlonak a si.

Myanmar natural gas hmangin Thailand cozah in meisa le thil dangdang tuahnak ah a hmang ih Myanmar ralkap hnenah sumpai a pe. Hitin PDF pawlin an bomb siat ruangah Myanmar le Thailand sumdawngnak hram pakhat cu a siat ih Min Aung Hlaing cu a hngerteu zet ding ti a zumum.

Be the first to comment

Leave a Reply

Your email address will not be published.


*