Min Aung Hlaing In 2022 Kum Sungih A Tumtahmi (3) A Rel

February 3, 2022 ah Nay Pyi Daw khawpi ah ralhrang pawlin meeting an nei ih cutawk ah Min Aung Hlaing in thusimnak anei.

Min Aung Hlaing in, “Tuikum 2022 cu kan hrangah zuamawknak kum a si, 2022 kum sungah tumtahmi (3) ka nei. Pakhatnak cu ramsung sumdawngnak pawl tuahṭhah ding a si. Ramsung sumdawngnak pawl kan tuahṭhah asilen mipi in kan parah zumnak/rinsannak an nei ding.

A liamzo kum pawl zohsal tikah ramsung sumdawngnak cu kan tuahṭha thei tengteng ding, kan tuahṭha theilonak ding zianghman aum lo. 2022 kum sungah ramsung sumdawngnak hi kan tuah ṭha tengteng ding. Pahnihnak cu ramsung ah party zaten Democracy lamzin ah kan fehtlang tum ding, Democracy cangsuak dingin thilṭulmi ziangkim kan tuah thluh ding.

Pathumnak ahcun ralkap ṭuan lo a theih lo timi daan le dun kan hmang ding. November 4, 2010 ah ralkap ṭuan lo a theih lo timi daan le dun hi kan rak tawlrel zo nan tuini tiang kan hmangsuak thei hrih lo. Rampi humhimtu dingah ram mipi pawlin ralkap an ṭuan tengteng a ṭul.

An ṭuan caan cu kum 2 maw, kum 3 tla a si thei. Kan dinhmun izir a si ding, kan tuah tengteng a ṭul. Rampi humhimtu thazang a cak lo asilen kan tuar ding, hmuhsuamnak kan tong ding. Ramri pawl a him lo ding. Himi pathum cu kan tuah tengteng ding mi pawl an si, tuikum sungah kan theitawk in kan zuam ding” a ti.

Be the first to comment

Leave a Reply

Your email address will not be published.


*