Min Aung Hlaing In “Arti Thuhla Ah Nan Thinphang Hlah Uh, Kum 6/7 Liamcia Ihsin Ar Tampi Kan Vulh Zo” A Ti

July 18, 2021 sunah Myanmar ramsung thuneihnak latu Min Aung Hlaing le harhdamnak zung pawl cu Naypyitaw ah meeting an nei. Covid-19 damlo pawl tuamhlawm dan ding, rak khamawk dan ding pawl an reltlang.

Cutawk ah Min Aung Hlaing in “Arti thuhla ahcun thinphang hlah uh, kum 6/7 liamcia ihsin ar tampi kan rak vulh zo” a ti. Covid-19 natsia in Myanmar ramsung a nuai ciamco, damlo pawl cu thazang an neih theinak dingah tin arti an ei tlangpi.

Covid-19 center pawl khalin damlo pawl hrangah arti tampi an rak lei khawlcia. Yangon ramsung ahcun arti lei ding aum tuk nawn lo, aumsun khal pumkhat ah 300/400 in an zuar.

Cuti vek dinhmun a si ruangah Min Aung Hlaing in arti thuhla ahcun thinphang lo dingin forhfialnak anei. Cun, Covid-19 khamsii khal China in arung kuat lai ih a rei hlanah an dawt aw thei ding thu a sim.

Oxygen bur le oxygen tuahnak pawl khal China le Thailand ihsin a ṭha pawl a cah lai thu a sim thei ih a rei hlanah an thei cing ding a ti. Myanmar ramsung ih Covid-19 thuhla cu awlsamten control thei dingin a rel nan a takram ahcun zianghman an cangvai dah lo ti a si.

Be the first to comment

Leave a Reply

Your email address will not be published.


*