Min Aung Hlaing In ASEAN Palai Hnenah ‘Myanmar Ram A Daih Hnu Lawngah Hrilawknak Kan Tuah Ding’ A Ti

ASEAN palik 2 cu Myanmar ramsung buainak pawl zohfel dingin an ra tlawng ih Min Aung Hlaing in arak mikhual.

April thla ah ASEAN meeting an rak nei ih Myanmar ramsung buainak pawl an reltlang, Myanmar ramsung buainak cu a rang thei bik ih cinfel lohli dingin an rel.

Min Aung Hlaing khalin a cohlang ih kum 2 sungah hrilawknak felfai kan nei ding a ti. Cumi hnuah ASEAN palai 2 cu Myanmar ramsung ah an ra tlawng ih June 4 ah Min Aung Hlaing thawn an tongaw.

ASEAN palai 2 cu Brunei’s second minister for foreign affairs, Erywan Pehin Yusof le ASEAN Secretary-General Lim Jock Hoi an si.

Min Aung Hlaing in ASEAN meeting ih a thurelmi cu arak ti danglam ih “Myanmar ramsung buainak a daih hnu lawngah hrilawknak kan nei ding” a ti.

Be the first to comment

Leave a Reply

Your email address will not be published.


*