Min Aung Hlaing In “CDM Tuah Sibawi Pawl Ra Kirsal Uh Law, Himi Cu Minung Nunak Thuhla A Si” A Ti

Covid-19 natsia in Myanmar ramsung a nuai ciamco ruangah an buai zet. Ralkap in thuneihnak an lak ruangah sibawi le nurse pawl cu CDM an tuah ih ralkap kuthnuai ah hna an ṭuan duh lo, curuangah siizung ah sibawi le nurse an daihaw nawn lo ih an buai zet.

Ralkap pawl hotu Min Aung Hlaing in Naypyitaw an meeting-nak ah “Sibawi le nurse pawl ra kirsal dingin vei tampi ka sawm zo. Himi cu minung nunnak thuhla a si, miphun thuhla a si. Ṭhenkhat cu an ra kirsal nan ṭhenkhat cu thuhla phunphun ruangah an ra kir thei lo. Tu’ah sibawi le nurse pawl ra kirsal uh tin ka lo sawmsal” a ti.

Cun, Myanmar ramsung siizung le siikhan ah sibawi/nurse 30,000 an neih thu khal a rel ih damlo pawl an tamtuk ruangah an daihaw lo a ti. Sibawi le nurse tam sawn in ralkap hnenah thildil mi an nei ih an tuah hlawhtling hlanlo cu an kir tum lo.

An dilmi cu 2020 hrilawknak cu upa uh, nan kaihmi pawl suah zalen thluh uh, mipi do dingih hmainortu ralkap pawl kokir sal uh ti pawl a si.

Be the first to comment

Leave a Reply

Your email address will not be published.


*