Min Aung Hlaing In “China Sumdawngnak Kan Humhim Ding, Myanmar Mipi In China An Hua Lo. Ramsung Buainak Ruangih Cangvai Men An Si” A Ti

Hong Kong hrambun media picang Phoenix Television in Senior General Min Aung Hlaing cu hmaiton thusutnak an nei ih thu tampi an reltlang. Thuneihnak an lak hnu ihsin aveikhat interview-nak a si, ramdang media pawlin tong an tum ṭheu nan an tong ngah dah lo. Asinan, China le Russia pawl lawngin an tong thei lai.

Min Aung Hlaing in “Myanmar ramsung ih um ramdang sumdawngnak pawl cu kan humhim ding. Kan dungih China factories pawl an suasamnak cu China an huat ruangah a si lo, Myanmar ramkhel thuhla a buai ruangah sawn a si” a ti.

Yangon, Hlaing Tharyar Industrial Zone ih China factory kang pawl khal ava vehvai zo ih hnaṭuantu pawl hnenah fangdip a pek thu a sim ih ziangkim a sinpi thluh zo a ti.

Myanmar ramsung ah China projects 500 lenglo aum ih US$20 billion aitam an lalut ṭheu. China media Global Times in ‘Myanmar ramsung ih China factory 32 cu ti siatsuah an si ih US$37 million an sung thu an tarlang.

Min Aung Hlaing in ramsung ih China dumdawngnak pawl cu a hlan ai hngetkho sawn in kan kil ringring ding tin a sim thei. Myanmar mipi in ‘China factory siatsuahtu cu anmah ralkap pawl thotho an si’ an rak ti ve.

Myanmar ramsung a buai ruangah ramdang company pawlin Myanmar ralkap cu an pehtlaih duh nawn lo, Myanmar ramsung ih an company pawl khal an cawlhter. Asinan, China in ralkap pawl a pehtlaih ringring lai ih hnaṭuan tlang dan ding pawl an tawlrel rero lai.

Be the first to comment

Leave a Reply

Your email address will not be published.


*