Min Aung Hlaing In “Harsatnak, Buainak Lak Khalah Beidon Lo Ih Hnaṭuantu Zirhtu Pawl Hnenah Upatnak Ka Hlan” A Ti

October 5, 2021 cu leitlun huap zirhtu ni (World Teachers Day 2021) a si ih Myanmar ramsung thuneihnak latu Min Aung Hlaing in forhfialnak le thazang peknak anei ve.

“Ngiar awknak phunkim, harsatnak lak khalah beidon loten hnaṭuan rerotu saya/sayama pawl hnenah upatnak ka hlan” a ti.

Min Aung Hlaing in “Santhar ngiar awknak phumkim lak khalah tlawngta nauhak pawl kaihruaitu ding nan si. Nauhak nun a himnak dingah le an thangsonak pawl nan zirh ih nan tawlrel sak a ṭul. Zirhtu pawl khal tlawngta pawl fimthiamnak nan zirh theinak dingah cun nangmah khal ca nan zoh, nan zirawk rero a ṭul ve.

Curuangah zirhtu pawl cu kumkhua tlawngtapi nan si, tlawngta nauhak pawl ca nan zirh tik khalah a san ih mil in nan zirh thiam a ṭul. Santhar internet, mobile phone, Radio broadcasting, TV pawl hmangin ca nan zirh phah a ṭul” tin forhfialnak anei.

Be the first to comment

Leave a Reply

Your email address will not be published.


*