Min Aung Hlaing In Kedam Dawr Ah Ralkap Boot Zuar A Siang Nawn Lo

Kachin State, Myitkyina ramsung ih kedam dawr pawl ah ralkap boot zuar an siang nawn lo. Myitkyina ih Market 1 le Market 2 sungih kedam dawr 8 neitu pawlin “Ralkap in ပွိုင့်ဖိနပ် kedam zuar an siang nawn lo ih an la thluh” an ti.

“Kedam pawl an laknak cu a rei tuk zo, zuar an siang lo ruangah a si ko. Nidang ahcun kan rak zuar ṭheu, rampi buainak a suak hnu ihsin zuar an siang nawn lo. Ramsung buainak a suak ruangah zuar an siang nawn lo a si ko ding” tin tualsung mipi pawlin an rel.

“Ramlak ih um pawl thawn pehtlaih awknak an nei ding ti an zum ruangah zuar an siang nawn lo. Point shoes kedam cu ralkap pawl ih hmanmi a si ih ralkap pakhat in a neih tengteng ṭulmi a si, zuar an sianglonak cu a rei tuk zo. Zuar sianglotu cu ralkap pawl an si” an ti.

Point shoes kedam cu ralram ih an bun ṭheumi kedam a si nan lo hnaṭuan pawl, ramtawi pawl, lungmankhung lai pawl le tlangpar kai pawlin an hmang ṭheu.

Myitkyina ramsung ah point shoes kedam cu 5000 in an rak zuar ṭheu, Myanmar ramsug ih an bunmi point shoes kedam cu 1965 kum ah Chinese People’s Liberation Army (PLA) pawl ih an rak hman mi PLA Liberation Shoe a si.

Be the first to comment

Leave a Reply

Your email address will not be published.


*