Min Aung Hlaing In “Mipi Thawn Tangkhawm In Covid-19 Kan Do Asilen Kan Neh Ding” A Ti

Covid-19 natsia in Myanmar ramsung a nuai ciamco ih damlo le mithi an tam zet zo. Myanmar ramsung thuneihnak latu Min Aung Hlaing in July 9 zanah meeting a ko ih Myanmar ramsung ralbawi le harhdamnak zung pawl khal meeting an va kai.

Cutawk ah Min Aung Hlaing in “Mipi pawl thawn hna kan ṭuantlang ding, mipi pawl khal an ṭuanvo theiaw in kan ṭuantlang asilen Covid-19 cu kan paltlang thei ding. Himi hi ka rel duhmi bik a si, Myanmar mipi pawl cu tlawmngaihnak kan nei.

Ramdang pawl thawn kan bang awklonak cu kannih cu mi zawn kan ruat thiam, mibawm duhnak thinlung kan nei” a ti. Cun siibawi pawl cu contract nei in kan sang dingih a bawmtu volunteers pawl khal nihlawh pe in kan sang ding. Cutin, hna kan ṭuantlang asilen hmuar anei zet ding” tin Covid-19 dodan ding thu pawl a ruat.

Asinan, mipi that rerotu ralkap cozah thawn hnaṭuan tlang ding cu thilcang thei a si lo. Covid-19 ih damlo pawl cu mipi in an tuamhlawm ih mipi thotho in ziangkim an tawlrel rero lai.

Be the first to comment

Leave a Reply

Your email address will not be published.


*