Min Aung Hlaing In Phungyi Upa Ava Tong Ih A Hlu Pawl A Pe

Myanmar ralkap hotu Min Aung Hlaing cu May 31 ah Karen khawpi Hpa-an ah ava tlawng ih phungyi upa pawl a tong tin ralkap thuthang ah an tarlang.

June 2, 2021 khalah Mon State ih phungyi upa Myazedi abbot ava tong. Phungyi upa hnenah a hlu pawl pe, a tonmi phungyi pawl cu Ma Ba Tha timi pawlkom an si ih ralkap lamtang ruhkol pawl an si.

Ma Ba Tha pawlkom cu NLD cozah do zettu an si ih NLD cozah khalin May 2017 ah sakhuanak dik lo tin arak į¹­hialbalter zo. Mon ram ih a tonmi Myazedi abbot khal ralkap lamtang ruhkol a si ih Muslim sakhua soisel ringring tu a si.

Ma Ba Tha pawlkom ih tel Thet Myo Oo in “Myanmar mipi zaten in duhphorhnak an nei thluh lo. Ralkap cozah duhtu le duhlotu an um” tin Myanmar Now thuthang hnenah a sim. 2019 kum ah NLD cozah in Ma Ba Tha hruaitu phungyi Wirathu cu pukmah 124a orhter in thawng arak thlak zo.

Be the first to comment

Leave a Reply

Your email address will not be published.


*