Min Aung Hlaing In Ralkap Pawl Hnenah, “Tlaitluang Zetin Um Uh, Sumpai Khal Tenren Uh Law” Tin Forhfialnak A Nei

September 14 sun ah Min Aung Hlaing cu Pyin Oo Lwin ah ava feh ih ralbawi pawl hmaiah forhfialnak anei. September 7 ah NUG cozah in rampum huap raldo ding thu a phuang, cumi hnuah Min Aung Hlaing cu aveikhatnak Pyin Oo Lwin ah ava feh. Pengtin ralkap pawl hotu, sibawi pawl hotu, saya/sayama pawl hotu pawl hmaiah thusimnak anei.

Min Aung Hlaing in, “Rampi kan kaihruai theinak dingah nan mai ṭuanvo ciar hlensuak uh, ralkap pawl khal Tatmadaw ih daan le dun thlun uhla ralkap daan le dun vekin mipi pawl kaihruai uh. Training kai pawl khal ṭhaten kai uhla ralram ah hlawhtling zetin nan hmang suak thei ding.

Ralkap daan le dun nan thlun lo asilen ralram ah thungrulnak nasa zet nan tong thei, Nan harhdamnak khal kilkhawi ṭha uh, ralkap daan le dun nan thlun ih training ṭhaten nan kai asilen ralram ah nan hlawhtling ding.

Ralkap pawl, nan thinlung thianghlim in tlaitluang zetin um uh. Nan sumpai laklutmi ih zir in hmangsuak dan khal thiam uh. Tenren zetin um uh. Rampi thuneihnak cu ralkap in reilote sung kan la lawk, democracy diktak le ram thangso a si theinak dingah Tatmadaw in kan zuam rero lai.

Kumkhua a daimi ram a si theinak dingah kan zuam rero lai, 2008 kum ih daanhrampi vekin a dikmi rampi hrilawknak kan nei cing ding” tin forhfialnak anei. Myanmar ralkap pawl ih ṭongkam cu thli lakih voih vek a si, a takram ahcun a linglet zawngin an cangvai ṭheu.

Be the first to comment

Leave a Reply

Your email address will not be published.


*