Min Aung Hlaing In Ralkap Pension Zo Pawl Cu Nikhat Ah 8000 Pe In Ralkap A Ṭuanter Sal

Nikhat hnu nikhat Myanmar ralkap pawl an mal deuhdeuh ruangah an daihaw nawn lo, curuangah ralkap pension zo putar pawl khal ralkap an ṭuanter sal. Nica (nihlawh) in an ṭuanter ih nikhat ah 8000 an pe.

Naypyidaw, Tatkone le hmun dangdang ih ralkap cawl zo pawl cu hnaṭuan dingin an ko sal. Tatkone tualsung mi pakhat in “Kan vengsung ih ralkap pension zo pawl cu nikha ah 8000 an pe ih gate an kilter ringring, kutke kim lo pawl cu an hmang duh nawn lo.

Kutke kim, harhdamnak ṭha lai pawl lawng ralkap an ṭuanter sal. Kan vengsung ih gate an kilnak cu thla 2 hrawng a si zo” a ti. June thla ahcun ralkap pension zo pawl cu nikhat ah 10000 hlawh in ralkap an ṭuanter.

Asinan a rei deuhdeuh ih nikhat ah 8000 hlawh in an ṭuanter. Mi pakhat in, “Tlawnginn pawl an ong pekte ahcun nikhat ah 10000 hlawh in tlawnginn pawl an kilter, asinan tu’ahcun nikhat ah 8000 hlawh in ralkap an ṭuanter sal. 2000 in a mal zo” a ti. Ralkap ṭuansal pawl cu check-gate kil, innsungsang cazin latu le a ṭulnak nak hmun ah hna an ṭuanter.

Be the first to comment

Leave a Reply

Your email address will not be published.


*