Min Aung Hlaing In Russia Hnenah “In Bawm Ruangah Ka Lungawi Tuk” A Ti

June 20, 2021 ah Myanmar ramsung thuneihnak latu Min Aung Hlaing le a kuthnuai ṭhenkhat pawl thawn International Security thuhla rel dingin Russia khawpi Moscow ah an feh. Conference cu June 22 in 24 tiang an nei ding.

Secretary of Russia’s Security Council, Nikolai Patrushev ih sawmmi a si ih an ram president Vladimir Putin cun tong a tum lo. Min Aung Hlaing cu Russia ramah ni 3 sung a cam ding nan Russia president thawn an tongaw lo ding.

June 21 ah Russian Security Council chief Nikolai Patrushev thawn an tongaw ih Min Aung Hlaing in lungawithu a sim, “Russia, tuini tiang in bawm ruangah ka lungawi tuk. Kan ralkap pawl khal an cak phah zet, kan rualpi awk ruangah Myanmar ram cu a cak deuhdeuh” a ti.

Russia in Myanmar ram cu naute vekin a kil ringring, leitlun ramdang pawlin an hrem tum tik khalah arak kham ṭheu. Russian Defence Minister Sergei Shoigu khalin “Myanmar ram cu rinsan tlak kan rualpi ṭha a si, kan lo bawm vivo ding” arak ti.

Be the first to comment

Leave a Reply

Your email address will not be published.


*