Min Aung Hlaing In “Tlawnginn Pawl Hringhro Cu Misual Cangvaihnak A Si, Rampi Harsatnak Petu An Si” A Ti

November 9, 2021 ah Nay Pyi Taw ah ralkap pawl meeting an nei ih cutawk ah ramsung thuneihnak latu Min Aung Hlaing (kum 65) in “Tlawngta pawl fimthiam zirnak thuhla ah tlawnginn pawl rak hringhro ih hnaihnoktu pawl cu misual cangvaihnak an si. Rampi harsatnak petu khal an si” a ti.

Tlawng an ong pekte ahcun tlawngta malte lawng tlawng an kai, November 8 ahcun ramsung tlawngkai 2,350,000 lenglo an um. Tlawnginn an ong pekte thawn tuat tikah cun zarhkhat sungah tlawngta one million in an pung tin a lungawithu pawl a sim thei.

Tlawngta pawl ih nulepa le khawtlang upa pawl ih kilvennak zarah tlawnginn lamah hnaihnoknak khal a mal, hmun ṭhenkhat ahcun hnaihnoktu cu an um lai. Nauhak tlawngkai pawl ih dinhmun ih zirin upa pawl University pawl khal kan ong vivo ding, University tlawng zaten siloin phunsang deuh pawl an kai hmaisa dingih cutin a sangsang ten an kai vivo ding” a ti.

November 1, 2021 ihsin ralkap in ramsung nauhak pawl tlawngkai dingin thu an suah nan ṭhenkhat nulepa in ramsung buainak ruangah le Covid-19 natsia ruangah an fale pawl cu tlawng an kaiter lo. Ṭhenkhat cu ralkap kuthnuai ah an fale pawl tlawng an kaiter duh lo, cun tlawng saya sayama tam sawn khal ralkap uknak dodal in CDM an tuah ih tlawng an kai lo.

Be the first to comment

Leave a Reply

Your email address will not be published.


*