Min Aung Hlaing Le RC Bishop An Tonawknak Cu “RC Aiawh A Si Lo” Tin ICJM In Ca An Suah

December 23, 2021 sun ah Yangon, Botahtaung ramsung ah Christmas hmuahnak le thlacamnak an tuah ih cutawk ah Myanmar ramsung thuneihnak latu Min Aung Hlaing khal ava telve.

Archbishop of Cardinal Charles Bo in Min Aung Hlaing cu laksawng a pe ih cake khal an attlang. Min Aung Hlaing khalin ting 200 laksawng a pe ve. Himi thuhla ah Independent Catholics for Justice in Myanmar (ICJM) in an dokalhnak capi an suah hngal ih kan cohlang lo an ti.

Himi an tonawknak cu RC member zaten aiawh a si lo, kan riah a sia tuk. Ziangvek simfiang awknak um khalsehla ralhrang thawn tongaw tu cu nasa zetin kan dokalh a si.

Sualnak neilo mipi pawl thattu, kaitu le biakinn pawl siatsuah thawn lungrualtu pawl cu nasa zetin kan do ih diknak ih raldotu mipi lamah kan um” tin theihternak capi an suah ih Saam 1:1-6-nak an tarlang. “Miṭha lo pawl ih ruahnak pekmi a sang lo ih, misual lamzin a thlun lotu le Pathian a hmuhsuamtu pawl lakih a tel lotu cu mi thluasuak a si. Bawipa ih Daan thlun cu a lungawinak a si, cuih Daan cu sunzan in a ruat.

Amah cu tiva kapih a khomi thingkung, A tikcu ih a rahmi le a hnah tla a vuai dah lomi bangtuk a si. A tuahmi kipah a hlawhtling. Asinan miṭha lo pawl cu cubangtuk an si lo; Thli ih semhlo mi fanghi vek an si. Miṭha lo pawl cu Pathian in a hnong ding; Misual pawl cu miding lakah an tel lo ding. Bawipa in miding fehnak lamzin cu a kilveng ringring; Sikhalsehla miṭha lo cun siatralnak lamzin a zawh.

Be the first to comment

Leave a Reply

Your email address will not be published.


*