Min Maung Kun In A Relhnak Hmun Ah A Nupi Le Fapa A Hruai, KIA Ralkap Ih Anka

Kum 42 mi Min Maw Kun cu Myanmar lemcan thiam le hlasakthiam pakhat a si. Ralkap in thuneihnak an lak veten rak dodaltu milar a si, mipi thawn lamzawhnak ah a tel ih a phunphun in ralkap uknak cu a dodal.

Curuangah ralkap pawlin 505 hmangin kaih an tum ih hmundang ah a tlan, tu’ahcun hmunhimnak ah aum zo ih a nupi le a fapa khal a hnenah an um ve.

August 18, 2021 sun ah Min Maung Kun in an zuk a tar ih “Ka nupi le fapa in paa an hawl lai” tin a tarlang cu mipi thinlung a neh zet.

Kachin ralkap KIA pakhat in “Ka nauhak lai, tlawng kan kailai ah Kawlram actor ahcun Min Maung Kun le Dwe hi ka rak uar thei tuk, an zuknung a ṭha le ṭha lo khal siloin anmah an tel cun ka rak zoh ṭheu.

Tuiṭum dothlennak ah ka uar tuk mi actor Min Maung Kun cu mipi lamah a tang. Lamzawhnak khalah arak tel rero zo, tu’ah a nupi le fapa thawn ramlakah an um ti ka theih cu ka zangfak si, ka uar deuhdeuh.

Min Maung Kun nang rak tong asilen Kachin ram ah ra tlawng dingin in rak simsak hram uh, a innsang pawl khalin run thlun ve seh. Tlangram ngasa le rawl ka rak do ding. Kachin ralkap pawl khalin Min Maung Kun kan uar tuk ti in rak simsak hram uh” tin a tarlang.

1 Trackback / Pingback

  1. Min Maw Kun In Mi A Hmaisong Ruangah Bawmnak A Cohlang Lo, Ramlak Paa An Hawl Ih Khuasung Ah An Va Zuar Ṭheu – Meifar

Leave a Reply

Your email address will not be published.


*