Min Maw Kun In Mi A Hmaisong Ruangah Bawmnak A Cohlang Lo, Ramlak Ah Paa An Hawl Ih Khuasung Ah An Va Zuar Ṭheu

Kum 42 mi Myanmar lemcan thiam hminthang Min Maw Kun cu ralkap cozah a dodal ruangah ralkap pawlin kaih an tum ih a nupi fanau hruai in ramri hmunhimnak ah an um zo.

A umnak hmun ihsin ralkap cozah cu a dodal rero lai, mi ṭhenkhat in an lawng to lai zuk an tarlang ih Min Maw Kun tei umnak sakhan cu ralkap pawlin an va sim ruangah sahimnak hawlin hmun dangah an tlan tin thuthang dik loin an tarlang.

Curuangah an camp ih hotu, raltlan pawl bawm ṭheutu Ye Min in August 20 sun ah simfiangnak anei. Ye Min in “Ralkap in Min Maw Kun tei umnak sakhan an do timi cu thuthang dik lo a si.

Zuk ih nan hmuh vekin lawng thawn harsa zetin ramlak ah kan feh ṭheu. Kiangkap pawl ih bawmnak cu a hmaisong ruangah a cohlang lo, ramlak ih paa an hawl ih khuasung ah an va zuar ṭheu. Lawng an to lai zuk cu paa an zuar ih an tlunglam a si.

Midang hnenih bawm dil ding hi a hmaisong thei tuk, kan dung khalah a hman rero lai mi a motor cu man awlten a zuar zo. Arak hman rero mi motor a si ih a ngaina tuk ruangah motor a zuarsuah sun cu a umnuam lo zet.

An umnak khalah innsang hrang sumpai cemliam a ṭul thotho. Tuiṭum dothlennak ah harsatnak tuartu milar le daiten rak um men milar pawl cu kan lo hminsin ringring” tin a tarlang. (Siar bet duh len hmet aw: Min Maung Kun In A Relhnak Hmun Ah A Nupi Le Fapa A Hruai, KIA Ralkap Ih Anka)

Be the first to comment

Leave a Reply

Your email address will not be published.


*