Mindat Ah Ralhrang Le CDF An Kap Aw

Chin State, Mindat Township, Hpayersakhan khua kiangah ralhrang 200 hrawng cu ramlak lamzin ah an va feh ih tualsung mipi humhimtu CDF-Mindat thawn tongaw in an kapaw ciamco.

CDF-Mindat ṭuanvo neitu in, “Ralhrang 200 hrawng le CDF (Mindat) pawl nasa zetin an kapaw ciamco. December 17 sun nazi 1:00 hrawng ihsin an kapaw thok, doawknak hi ni reipi a si lai ding” a ti.

An kapaw rero lai ruangah mithi le hliamtuar cazin cu theih a si hrih lo. An doawknak kiangkap ih um khua pawl cu mipi in an suahsan ih hmun dang, ramlak ah an tlan ciamco.

Bomb le pukpi thawmvang an theih rero lai ruangah kiangkap ih um raltlan pawl khal hmun dangah tlansal dingin tim an tuahaw.

Be the first to comment

Leave a Reply

Your email address will not be published.


*