Mindat Ah Sinfen Hnipuan Ava La Ih An Rak Kap That

U Khaing Nay cu innsang pabik a si ih fate 5 a nei zo, Mindat peng Irrigation (ဆည်မြောင်း) zung ih hnaṭuantu pakhat a si. May 20 ah an senfen hnipuan pawl la dingin Mndat khua ah ava fehsal ih ralhrang in an rak kap that.

Ralkap pawlin a ruang ra la uh an ti nan tutiang an la ngam hrih lo. Mindat raltlan pawl bawmnak sumpai suahtu pakhat khal May 19 zanah Kalaymyo ah ralkap pawlin an rak kai.

A kut sungah sumpai ting 170MMK thawn an kai ih a thaizing ah a thlennak inntek pa U Thang Mang Ki khal an kai ve. May 19 ah Mindat raltlan pawl hrang ei le in ding va latu tlangval Salai Ki Khaw Kee Thang khal tuitiang a thuhla theih a si nawn lo.

Salai Ki Khaw Kee Thang cu Mindat peng, Madan khua ih um a si. Zing nazi 10:00 hrawngah raltlan pawl ei le in ding cu Mindat khua ah ava la tum ih tutiang a thuhla theih a si nawn lo. A innsang pawl cun ralkap pawlin an kai a si ding ti an zum.

Be the first to comment

Leave a Reply

Your email address will not be published.


*