Mindat (CDF) In An Hnenih Tlanlut Ralkap Pawl Cu Ting 50 Kan Lo Pe Ding An Ti

August 10, 2021 ah Chin Defence Force – Mindat in “Thuneihnak latu ralhrang kuthnuai ihsin luat duh ralkap pawl cu CDF(Mindat) in lungawi soparten kan lo hmuak.

Nan ralthuam kimcang thawn nan ra lut asilen ting 50 kan lo pe ding, ramleng nan feh duhnak khal kan lo tawlrel sak” tin an tarlang.

August 7, 2021 zanah Magway Division, Kyawwat Htu (ကျောက်ထု) Airport tualrawn ih umhmun khuar ralkap pawlin thla hlawh an ngah lo ruangah an pule pawl thawn an kapaw ciamco. Ralkap 10 in meithal le cerek mu tam zet an tlanpi, cumi lakah ralkap pakhat cu an kai sal.

Mindat ramsung khuate lam khalah ralhrang pawlin ralkap tlan pawl an hawl rero ti thu theih a si. Mindat (CDF) ṭuanvo neitu in “Ralhrang lakah ralkap ṭuan duh lo tampi an um ti kan thei. Tlannak ding & umnak ding an nei lo.

Sualnak neilo mipi pawl an kap duh lo nan thuneihnak duh tuk tu pawl ruangah an thih phah. Curuangah an hrangah lamzin ong kan sialsak” a ti. Ralthuam kimcang thawn Mindat (CDF) hnenih an lut asilen ting 50 an rak pe ding, cun ramdang/hmun dang an feh duh asikhallen an tawlrel sak tum.

Be the first to comment

Leave a Reply

Your email address will not be published.


*