Mindat-CDF In An Kaihmi Ralkap An Thlahsal

Chinram, Mindat ramsung ah ralkap le mipi an kapaw sal ih mithi le hliamtuar an tam zet zo. July 24, 2021 ah Mindat-CDF pawlin Magwe-Ingnu khua ih um ralkap sakhan an va sim ih thisen fawrkhat khal tla loin sakhan cu an la thei.

Himi sakhan sungah ralkap le palik komaw in umhmun an khuar ih sakhan ralbawi telin ralkap 20 hrawng an um. Sakhan ih um ralkap lakah ralkap uknak duhlotu khal an um.

Mindat-CDF pawlin “Nan ralthuam pawl nan thlak lo asilen kan lo kap ding” an ti hnuah ralkap pawlin an ralthuam cu an thlak ih mipi lamah an ap’aw thluh. An ralthuam pawl thawn an kai ih an sakhan cu an urkang sak.

Ralkap ṭhenkhat cu CDM an tuah cih, ṭhenkhat cu CDM tuah an duhlo ruangah July 26 sun ah an meithal thawn an thlahsal tin Mizzima – News in Burmese thuthang ah an tarlang.

Be the first to comment

Leave a Reply

Your email address will not be published.


*