Mindat CDF Mino 2 Bomb Puak In An Thi

Tui zanlam (May 26) nazi 4:00 hrawngah Mindat CDF mino 2 cu ralkap pawl ih kammi bomb an pal ngah ih an nunnak a liam. Mindat peng, Pukon khua kiangah Mindat mipi kilhimtu le ralkap pawl an doaw rero lai.

Zanlam ah ralkap pawl dinhmun zohthup dingin an poksuak ih lamzinkap ih kammi bomb an pal ngah ruangah Salai Tam Ling le Salai David cu an thi. An rualpa Salai Tam Ghung khal hliam a tuar.

Ralkap in Mindat khawpi an la zo nan a kiangkap hrawng ah an kapaw ringring lai. Mindat khawpi ah ralkap pawl cu an hrang zet, innkhat hnu innkhat an lut vivo ih an duhduh an laksak ṭheu.

Ralkap uniform khal an hruh lo ih Laithuam le Lai thilri pawl khal an laksak, mipi bike, zu le beer pawl an lak lai cu CCTV in arak zuk ngah. Mindat mipi pawl khal ramlakah an tlan ih nikhua sia, ruahsur lakah an khuasa ih bawm an ṭul zet.

Be the first to comment

Leave a Reply

Your email address will not be published.


*