Mindat Lamah Ralkap Motor 80 Lenglo, Falam Lamah 50 Lenglo An Poksuak

Chin ramsung ah ralkap tam zet an lut ciamco ih an vakkual rero lai. Tuisun October 12 sun nazi 2:50 hrawngah ralkap motor 21 le tank pakhat cu Falam khua sungah an lut.

Motor 3 cu ralthuam le ei le in phurtu a si ih a dang pawl ahcun ralkap pawl an um, mizan ah ralkap motor 50 lenglo cu Lumbang ah an riak ih a rei hlanah Falam lam an thleng ding ti zum a si.

October 12 simlam nazi 4:00 hrawngah Pakokku ihsin ralkap motor 80 lenglo le tank 3 cu Mindat lamah an feh ih Kyaukhtu Airport an thleng.

YAW-PDF in “Motor 80 lenglo sungah 25 hrawng ah ralkap pawl an um, asinan a dang motor pawl cu ei le in, ralthuam pawl phurtu an si ding” a ti.

Chin ramsung ah ralkap pawl an um vivo ruangah doawknak nasa zet a thleng thei, doawknak thleng loin boruak sa ut-o hi a daisal thei thotho. Hmailam caan ih thilthleng ding cu theihcia asilo ruangah mipi khal fimkhur zet ih tlangleng a áš­ul.

Be the first to comment

Leave a Reply

Your email address will not be published.


*