Mindat Pasalṭha Pawlin Ralkap Sakhan An La Ih Nunnak Can Khal An Um

Chinram, Mindat ramsung ah ralkap le mipi kilhimtu pawl an doaw sal ih khuasung mipi cu sahimnak hawlin ramlak ah an tlan. July 22 zinglam ah Shwe Aung Tha khua kiangah an kapaw ciamco ih CDF Mindat lam pakhat a thi.

Mual liamtu pasalṭha cu kum 20 mi a si ih July 8 sun ah “Dothlennak a cem hnu, democracy ni eng mawi a suah lai hi ka hmu ve man kem maw aw” tin a facebook cahmai ah a tarlang.

July 23 sun khalah an kapaw ih mipi lam pakhat a thi. July 24 zinglam ah Mindat thlanglam tlangpar ih um ralkap sakhan pakhat cu mipi in an va kap ih ralkap 20 lenglo an thi. An sakhan khal an la thei nan CDF Mindat ih an rinsanmi Pu Chai Thang (ဦးချိုင်ထန်း) cu ram le miphun hrangah a nunnak a hlan.

April thla ihsin ralkap le Mindat mipi kilhimtu pawl an doawknak ah CDF Mindat 27 in ram le miphun hrangah an nunnak an hlan.

Be the first to comment

Leave a Reply

Your email address will not be published.


*