Mindat Pitar Mitcaw Amah Lawng Inn Ah An Tang, A Fanu In A Seherh Tuk Ih An Va Veh Lai Video

Chinram, Mindat ramsung ah thuneihnak latu ralkap le mipi kilhimtu pawl an doaw rero lai. Khuasung mipi pawl cu sahimnak hawlin ramlak le khua dangdang ah an tlan ih an relh.

Khuasung ah tlansuak thei lo pitar putar, nauhak tete le taksa kimlo pawl lawng an tang. Bomb le meithal awn an thei ringring ih thinphang mangbang in caan an hmang rero lai.

Mindat pitar pakhat cu khua hmu thei lo mitcaw a si ih an vok, uico le ar pawl kilkhawi a ṭul ruangah amah lawng inn ah aum. A fanu fapa pawl cu ramlak ah an tlan thluh, an innhnen vengsung mipi pawl khal an tlanhlo thluh zo.

Hitin amah lawng ih aumnak cu thla 2 hrawng a si zo ih amahten rawl a suang ih a khuasa.

Zangfah um zet pitar in “Kan vokte kan rak zuar man ih facang kan rak lei man ruangah rawlsuang ding cu ka nei lai, rawlhmeh cu pe malte aum lai” a ti. Mindat mipi pawl bawm an ṭul zet ih bawmdan ding khal an tawlrel rero lai. {Video}

Be the first to comment

Leave a Reply

Your email address will not be published.


*