Mindat Raltlan Pawl Bawmnak Sumpai Hlo Thuhla Ah Khatlam Ih Anka

International Mindat K’Cho Organization (IMCO) tawlrelnak in Mindat raltlan pawl hrangah bawmnak Rs 96.5 lakh (Kyat ting 2000 lenglo) cu Miroram, Aizawl ih um Pu Mangliana in a tlanhlopi tin thuthang tinkim ah an tarlang cece.

Pu Mangliana in simfiang awknak a nei, “March 2022 ah Mindat NLD palai hlun U Aung Than cu Aizawl ah ara thleng ih ramdang ihsin sumpai an kuat ding thuhla in sim ih sumpai suahsak dingin bawmnak in dil. Ram le miphun hrangah ka bawm theinak a si tin U Aung Than cu kan inn ah ka umter” a ti.

A bank account ihsin sumpai cu an kuat ih an suah hnuah U Aung Tha, U Nay Lin Aung le U Naing Tan Maung hnenah a hlan, motor 2 khal an lei. Pu Mangliana ih sumpai khal a hlankhan Advance in an rak hmang a ti.

Pu Mangliana in, “U Aung Tha cu Delhi a thleng zo tin ka thei. Ka phone rero nan ka pehtlaih thei nawn lo, kei cu Aizawl ah hrambun ih um ka si. Khuitawk hman ah ka tlanhlo lo. Thuthang dangdang ah ka tlanhlo tin an ngan ih ka innsang zuk tiang an tarlang cu thil diklo a si.

Khatlam ih relfiang awknak thuhla thei hmaisa loin sual puhawk ih tarlang awk cu thildik lo a si. Himi mi pathum ih thuhla dang ka relsuak hrih lo mi khal aum lai. Thuhla nan theifiang duh asilen in ra pehtlaih uh” tin a phone number thawn a tarlang. (#Chin World)

Be the first to comment

Leave a Reply

Your email address will not be published.


*