Mindat Raltlan Pawl Bawmnak Sumpai Tam Zet A Pe Duh Nawn Lo

Mindat raltlan pawl bawmnak sumpai cu ramdang dangah an rak khongaw rero hnuah Thailand ram ih um Kawlram mi hnenah an kuat, cumi Thailand ram ih um Kawlram mi in sumpai cu a pe duh nawn lo. Thla 3 hnu khalah a kuat cuang lo, bawmnak sumpai cu Thailand sumpai in Baht ting 7 lenglo a si.

Germany ram ih um Mindat mi, sumpai kuattu Awm Seing in, “Mindat raltlan pawl bawmnak sumpai in pe kirsal nawn lotu cu Thailand ram ih um Chin-Karen miphung a si. Thla 3 lenglo sumpai kan dil rero zo, ramdang dang ihsin bawmnak sumpai baht ting 7 lenglo cu a kut sungah aum lai, tutiang in pe hrih lo.

Europe le USA ihsin kan kuat mi Baht ting 3 le thawng 50 lenglo cu in kuat dingin kan dil hmaisa. A zaten ka lo pe thluh ding tin in tiamkam leuhleuh, in pe cuang lo ih thuhla a phunphun a rel hnu tuisun ahcun in block. Thailand ram ih um a si.

A pa cu rawngbawltu sayagyi Pa Pau a si. Siyan Chin a si, a pa cu a hlanah Myanmar ramsung ih Christian zaten komkhawm ah an sumpai kiltu a si. Casiartu lakah a pa theitu nan um ding ti ka thei, a pa hnenah in rak simsak uh.

Tu’ah a pa cu Sani Bible tlawng sayagyi a ṭuan ti kan thei. A nu cu Karen mi a si, bawmnak hmin cazin khal kan nei thluh lai. Hminsin: Chin Mindat ṭuanvo neitu pawl ih siannak vekin kan post a si. Sumpai kan ngahsal theinak dingah in rak share sak cio uh” tin September 14 sun ah a tarlang. (#Chin World)

Be the first to comment

Leave a Reply

Your email address will not be published.


*