Mindat Raltlan Pawl Bawmnak Ting 2000 Lenglo Thawn A Tlanhlo

International Mindat K’Cho Organization (IMCO) tawlrelnak in Mindat raltlan pawl hrangah bawmnak Rs 96.5 lakh (Kyat ting 2000 lenglo) cu Pa Mangliana hnenah an kuat ih a tlanhlo. IMCO tawlrelnak in Mindat raltlan pawl hrang ei le in ding, siivai leinak dingah tin sumpai an khongkhawm.

India, Mizoram ih um NLD palai hlun ih theihpinak in Pa Mangliana bank account ah an kuat. Mangliana ih pa cu Thantlang peng, Dawn khuami Pu Roland a si ih a nu cu Falam khuami a si (a hmin an zingzoi rero lai). Mangliana cu an unau 9 lakah upabik a si, a nupi Lalinmawii thawn fanu kum 3 mi an nei.

A hlan ahcun India-Myanmar ramri ah kuva rah zuar in eihawl a si. IMCO į¹­uanvo neitu in, “Raltlan pawl hrangah siivai, ei le in ding kan bawmsuak thei lo ruangah raltlan pitar putar, nauhak pawlin harsatnak an tong” a ti. IMCO in sumpai ngahsal dingin an zuam rero lai, Mangliana ih sungkhat, innsang hnen ihsin sumpai ngahsal dan dingin an tawlrel.

September 2021 khalah leitlun huap Mindat raltlan pawl bawmtu CEA in raltlan pawl bawmnak sumpai an kuat ih bum an tong zo. Thailand sumpai in ting 8 baht lenglo bum an rak tong zo nan media pawl ruangah an ngahsal thei.

Be the first to comment

Leave a Reply

Your email address will not be published.


*