Mindat Tlawngta Pawl Hotu Cu Raldonak Ah A Thi, MUSU In An Riahsiatnak An Tarlang

Salai Mang cu Mindat University Students Union (MUSU) ih Vice Chairman ṭuanlai a si ih tlawngta pawl hoha khal a thiam zet. Cathiam, mifim a si vekin mipi khalin an ngaina, Mindat-CDF ah a lut ih an rinsanmi ralkap pakhat a si.

July 25, 2021 zan an doawknak ah ram le miphun hrangah a nunnak a hlan. Mindat University Students Union in ” Mindat University Students Union (MUSU) ih kan vice president ṭuanlai Salai Mang cu July 25, 2021 ni ah thuneihnak latu ralkap le CDF-Mindat an doawknak ah mual in liamsan.

Pasalṭha Salai Mang ih tantami a innsang, a rualpi pawl thawn Mindat University Students Union khal kan riah a sia zet. Mipi hrangih na cangvaihnak pawl kan theihhngilh nawn lo ding.

Huaisen zet ih na cangvaihnak parah upatnak kan lo hlan. A cem hrih lomi dothlennak ah democracy ngah dingin ral kan run do vivo ding” tin an tarlang.

Be the first to comment

Leave a Reply

Your email address will not be published.


*