Mino 2 Cu Ralkap In Paisa An Dil Ih An Pek Lo Ruangah An Vua That

Sagaing Region, Shwebo ramsung ah ralkap pawlin mino 2 cu sumpai an dil ih an pek lo ruangah an vua that thu theih a si. September 2 zan nazi 8:00 ah hnaṭuannak ihsin mino 5 cu an tlung ih lamlakah ralkap pawlin sumpai an rak dil.

Mithi pakhat ih upa in, “Ka nau cu mizan (September 15 zan) ah a thi, an vuakmi mino 5 lakah fangfai phur khal an um. Lamzin ah ralkap pawlin an rak kham ih sumpai an dil, mino rual an si ih an sual ve tum ruangah an vua ciamco” a ti.

September 2 zan ah mino pakhat cu a thi hngal, tlangval kum 20 mi Ko Zin Min Oo cu siizung ah an phur ih an tuamhlawm, siizung ihsin a suah hnu ni 4-nak mizan ah ralkap pawl ih vuaknak hliamhma tuar nawn loin mual a liam.

An sungkhat pakhat in, “An vuak ciamco hnuah zianghman a thei nawn lo, ralkap pawlin Shwebo siizung ah an phur ih ihkhun aum nawn lo ruangah Monywa Hospital ah an kuat.

Siizung ihsin a suah hnuah kan naupa in harsatnak anei, zan khalah a itthat thei lo ih a au ciamco ṭheu. A thaw khal a sam, a ke pawl khal a com. Oxygen kan pe nan kan runsuak thei lo” a ti. Ko Zin Min Oo cu Shwebo ihsin peng 2 hlatnak ih um Shadaw khuami a si, a ruak cu tuisun (September 16) ah an vuiliam ding.

Ralkap pawl ih an vuak mi pakhat khal a bese tuk ih siizung ah an tuamhlawm rero lai, an vuakmi mino 2 cu hliamhma na tuk an tuar lo ih September 2 zan ah ralkap pawlin an kai lawk nan a thaizing ah an suahsal.

Be the first to comment

Leave a Reply

Your email address will not be published.


*