Mino 2 In Dalan Hminthang An Kap Hnuah Kutzung Pathum Tung In An Tlansuak

Mandalay, Taungtha khua ih um dalan hminthang Ma Hnin Hnin cu June 13 sun nazi 1:00 hrawngah zo ti theih lo mino 2 in an kap. Ma Hnin Hnin cu ralkap lamtang a si ih vengsung mipi pawl ih cangvaihdan cu ralkap hnenah arak sim thei ringring.

A remlo mi, a huatmi pawl cu CRPH, NUG thawn hna an ṭuantlang, an pehtlaihaw tin arak hek ṭheu ruangah ralkap in mi tampi an kai zo, amah ruangih an kaihmi le hmun dangih tlan pawl cu minung 70 lenglo an si.

Vengsung mi pakhat in “Bazar in an dawr Yun Yun phone shop sungah mino 2 cu an va lut ih a kiangnaite an kap, an ra suah lamah kiangkap um mipi pawl hmaiah an kutzung pathum an tung ih bike thawn an tlansuak” a ti.

Ma Hnin Hnin ih a hliamtuar cu a bese tuk ruangah emergency in siizung ah an lutpi, siizung 2 an lutpi hnuah a dinhmun a sia tuk ih Nay Pyi Daw siizung ah an kuat, lamzin ih an tlanlai zan nazi 7:00 hrawgah a thaw a cem. June 3 thotho ah Sagaing, Depayin khuabawi le CDM tuah lo sayama telin ralkap lamtang minung 3 cu zo ti theih loin an that.

Be the first to comment

Leave a Reply

Your email address will not be published.


*