Mino Pakhat Cu Ralhrang Pawlin A Mit Ah An Kap Ih A Nunnak A Liam

Sagaing Division, Kanbalu Township, Tin Ngot Gyi khua kiangah ralhrang pawlin mino pakhat an kap that. Tlangval Ko Hnin Aung cu ralhrang pawl dodalnak ah a tel ṭheu, amah hi All Burma Federation of Students’ Unions sungṭuan hlun a si.

December 3, 2021 ah ralhrang pawlin an kap ih a mit le awm ah an kap ngah ih a hmun ah a thi cih. Tualsung mi pakhat ah, “Kant Balu siizung ihsin a ruak hi an rung phur, tualsung mibawmtu pawlkom in an rung phur. Thaisun ah kan urkang ding.

Tin Ngot Gyi khua kiangah ralhrang le Pyu Saw Htee 30 hrawng an duty ih check-up nak an nei. Ko Hnin Aung ih bike mawng lai cu an rak dingter ih a ding lo ruangah an kap tin thuthang kan thei” a ti. All Burma Federation of Students’ Unions khalin an riahsiatnak an tarlang ih miralṭha tin upatnak an pe.

Be the first to comment

Leave a Reply

Your email address will not be published.


*