Mino Pastor Le A Nupi Cu Biakinn Lam An Pan Laiah Motor Accident In An Thi

Texas khawpi ih um pastor nupa cu biakinn lam an pan laiah motor accident an tong ih a hmun ah an thi, an fapa thla 2 mi cu nulepa nei nawn lo hngakṭah ah a cang.

Kum 21 mi pastor Hunter Wilkes le a nupi Alexis (kum 21) cu 2018 kum ihsin Eastside Baptist Church ah mino pawl hrang pastor an ṭuan.

December 19, 2021 zarhpisun ah biakinn lam an pan laiah lamzin pialnak ah putar kum 79 mi motor mawng lai thawn an pahaw thutthi ih pastor tei nupa cu a hmun ah an thi.

Motor sungih um an fapa thla 2 mi in a ke ah hliamhma malte lawng a tuar ih siizung ah an tuamhlawm, putar kum 79 khal hliamhma nasa zet a tuar ih siizung ah an tuamhlawm rero lai. Pastor tei nupa cu an kawhhran member pawlin an ui tuk. December 23, 2021 zing ah an vuiliam.

Be the first to comment

Leave a Reply

Your email address will not be published.


*