Thailand, Chiang Rai ramsung ih um pacang kum 26 mi Anucha Jabo in an vengsung mi 3 a kap that. Nunau nauhak kum 4 mi khal a kap that. Vengsung uico le zawhte tam zet khal a kap that.
July 14, 2022 zanlam ah vengsung mipi pawl cu an tonkhawm aw ih an nuam aw. Nauhak pawl khal an lek cece ih meisa an muah. Anucha Jabo cu zu le ritheihsii a ri tuk, vengsung hruaitu ih meithal a ruksak ih an umkhawmnak hmun ah daiten ava feh.
An kiang a thleng zawn ah a kap ciamco. Nunau nauhak kum 4 mi, pacang kum 38 mi le nunau kum 45 mi a kap that ih hliamtuar tam zet an um. Palik le khawtlang hruaitu pawlin an kulh ih nazi 5 sung an buaipi hnuah an kai ngah. Thu an suhnak ah Anucha Jabo in, “Pathian remruat a si” a ti.
An kaih lai khalah ritheihsii a ri tuk ih ritheihsii mum ziangzat a ei ti khal a thei aw nawn lo. Vengsung mipi pawlin Anucha hi hnaṭuan nei lo a si. Ritheihsii a tham nasa tuk ruangah a nupi thawn an ṭhen aw, hringtu a nu khal a vel ṭheu’ an ti. Mipi um men a kap that ruangah pukmah 288 in thubuai an orhter, thiamlo a co asilen thihdaan & kum 20 sung thawng a tla thei.
Leave a Reply