Minung 80 Dehtu Tisartan Cu Tutiang An That Hrih Lo

Uganda, Luganga khua kiangih tili Lake Victoria sungah tisartan sual zet arak um ih minung 80 a deh zo. Ramsa le rannung khal tampi a deh zo ruangah a hmin ah “Osama’ tin an phuah.

Misual hminthang Osama bin Laden sirhsan ih an phuahmi hmin a si. Tisartan cu ft16 ih sau a si ih a tum zet, tiva ih nga hawl le ramtawi pawl arak deh ṭheu.

Minung sa cu a ei thluh dah lo, tiva kap ah minung lu, kut le ke pawl a tan ṭheu. Pasalṭha le sathiam pawlin kum reipi sung that dingin an bawh nan an that thei lo ruangah a sungah khuasia aum si ding ti an zum.

1991-2005 kum sungah minung 80 a deh zo, tiva kap ih um nauhak pawl khal arak deh ṭheu. Luganga khuasung mipi pawl cu tisartan ṭih ah an vaksuak thitha ngam lo, 2005 kum ah ramsa humhimtu pawlkom le cozah in kai dingin an hawl ih caw thau 2 hmangin an kai ngah.

Thang an rak kam ih an awk ngah, khuasung mipi pawlin that an tum nan ramsa humhimtu pawlin an rak siang lo, Uganda Crocs ramsa hmuan sungah an ret ih cithlahtu ah an hmang. Ramsa humhimtu pawlin tisartan phun dang a si ruangah that an siang lo, cithlah dingin an vulh sawn.

Uganda Crocs ramsa hmuan cu Osama tisartan ruangah a lar phah zet ih mikhual khal an tam thei zet. Uganda Crocs ramsa hmuan ah tisartan 5,000 hrawng an um zo. Tisartan Osama ih fale pawl cu an that ih an vui cu Italy le South Korea ram ah an kuat ṭheu, annih in hnipuan phunphun le handbags tuahnak ah an rak hmang.

Be the first to comment

Leave a Reply

Your email address will not be published.


*