Minung A That Ih A Sa A Ei Hnuah A Nupi Le Fanau Khal A Eiter

Russia, Novocheboksarsk khua ih um pacang kum 63 mi Nikolayevich in minung a that ih a sa a ei hnuah a nupi le fanau pawl khal a eiter, a nupi le fanau in minung sa ti an thei lo ih thaw zetin an ei.

Nikolayevich in minung pahnih arak that zo ruangah palik pawlin an kai ih thihdaan an orhter nan 1999 kum ah thihdaan cu an phelhsak sal ih damsung thawngtla dingin a thu an ṭhencat. Thawnginn sung khalah amahten an khum ih thawngtla dang kiangah an umter lo.

Thawnginn sungah media pawlin a tualthat dan thuhla an va sut ih a sim thei. Nikolayevich in, “Party-nak ah zu ka in ih ka tlung, kan vengsung ih um mi pakhat thawn kan tong aw ih zu a ri ve. Meitalh ka dil ih ṭongkam kan el’aw hnuah kan sual aw ih ka vuak that.

Ziang tuah ding ti khal ka thei lo lawk, minung sa ei cu ka rak tum dah lo. A ruak cu ekinn sungah ka thiarlut ih taklawng in ka ret hnuah a sa cu ka candip thluh. A sa hi ei sin sehla tin ruahnak ka nei, a sa ṭhenkhat cu ka suang ih ka ei nan thaw ka ti lo ruangah a sa ṭhenkhat cu ka kio ih a thaw zet.

Minung sa cu inn ah ka tlun ih ka nupi ka pe, ka nupi in a theithiam lo ih sang thawn a kio hnuah ka fale pawl thawn an eitlang. Minung sa ti khal an theithiam lo. Minung sa kg 5 cu bazar ka va zuar ih ramsa ta-paih-kaung sa tin ka zuar thluh” a ti.

Minung sa a zuar mi cu ta-paih-kaung (kangaroo) sa tin a zuar cem thluh, a sa leitu nunau pakhat in a sa leimi cu danglam a ti tuk ruangah siibawi hnenah ava zohfiahter ih a thisen an zohdik hnuah minung sa ti an theisuak. Palik hnenah an sim thei ih Nikolayevich cu an kai.

Be the first to comment

Leave a Reply

Your email address will not be published.


*