Mipa 500 Ih Thianghlimnak A Laksak Ruangah A Suan’aw Zet

Kum 27 mi Roxanne cu license nei ih hlawhhlang ṭuan rero lai a si. US, Nevada khawpi ih um a si. Veikhat hman nunau itpi hrih lo mipa pawl kaihruaitu a si, nunau thawn pehtlaihaw dah lo mipa pawl ih thinharnak hnemtu a si.

Leitlun huap hmun dangdang ah a tlawngkual ṭheu ih nunau itpi hrih lo mipa pawl cu a itpi ṭheu. Tu’ah mipa 500 ih thianghlimnak a laksak zo ruangah a suan’aw zet ih hmailam caan ah mipa 500 ih thianghlimnak laksak a tum lai.

Roxanne in, “Nunau itpi hrih lo mipa pawl cu an umhar in an nung a nuam thei lo tuk. Amahten hrawt’aw, diriamnak an tuah ṭheu ruangah an umdan khal a dik lo.

Kum reipi sung an rak hrawt’aw zo ruangah nupa-sinak ih a nuamnak khal an tep ngah thiṭha thei nawn lo, an hrangah thilthar a si. Ittlang dingin kan tawlrel hnuah zarhhnih sung cu rak hrawt’aw lo dingin ka cah ta ṭheu” a ti.

Mipa tam zetin an thianghlimnak laksak dingin an cah ṭheu. Kum nauhak bik a itpi mi cu kum 21 mi a si ih upabik cu kum 60 mi a si. Roxanne in, “Nunau itpi hrih lo mipa pawl lakih hna ka ṭuannak a san cu an hminsin dingah a si lo, a hmaisa bik an nun a nuamnak dingah a si” a ti.

Be the first to comment

Leave a Reply

Your email address will not be published.


*