Mipa Pakhat In, “Pasal Nei Zo Nunau Pawlin Online Hmang Ding Nan Si Lo” A Ti

Malaysia nu Syaza cu online fehtlang in mipa pakhat in a bia ih, “Pasal nei zo na bang lo tuk” a ti. Syaza in, “Pasal nei pawl cu ziangso an um ih?” a ti.

Mipa in, “Pasal nei zo nunau pawlin online an hmang nawn lo, innsung ah an um men. Lenglam thilri thawn an pehtlaih aw nawn lo, pasal nei cingih online hmang pawl cu keimah vek mipa pawlin an lo theithiam lo ding” a ti.

Kum 28 mi Syaza in, “Ka Status khalah pasal nei zo tin ka retaw ko, ka pasal thawn kan zuk pawl khal ka tarlang ṭheu nan himi vek mipa pawlin in rung bia ringring ih ka rak block ṭheu” tin media hnenah a sim thei.

Online mipi pawlin, “2022 kum a si zo ih nunau khal zalen zetin an um thei ve. Nunau pawl khalin leitlun thilri pawl an hman ve thei, pasal nei zo nunau pawlin online an hmang thei lo ding asilen nupi nei zo mipa pawl khalin an hmang ve thei lo ding. Hivek mipa hi ka pasal arak si lo cu ka lungawi tuk aw” an ti.

Be the first to comment

Leave a Reply

Your email address will not be published.


*