Mipi Cozah NUG In Rohingya Pawl Rammi Sinak Pek A Tum

Myanmar mipi cozah NUG le leitlun huap court sangbik International Court of Justice (ICJ) in Rohingya pawl thuhla an buaipi rero lai. 2016-2017 kum ah Myanmar ralkap pawlin a ramsung ih um Rohingya miphun pawl cu ti cimit arak tum.

An inn le lo a urkang sak ih an nunau pawl an pawngsual, nauhak tete khal an that. Rohingya miphum 700,000 hrawng cu Bangladesh ramah an tlan. 2019 kum ah Organisation of Islamic Cooperation (OIC) aiawh in Gambia ramin Myanmar cozah cu taza a cuai.

December 2019 ah Myanmar thuron petu Daw Aung San Suu Kyi in leitlun court hmaiah Myanmar rampi cu arak humhim ih an thubuai cu a feh rero lai. NUG cozah in Rohingya pawl thuhla cu a buaipi rero lai ih leitlun huap court ICJ ah thudik phosuahpi a tum.

May 4 ah US House Foreign Affairs Committee, Brad Sherman in “Burma ramsung ih piang Rohingya le raltlan camp ih um pawl cu rammi sinak nan pe kem?” tin a sut.

NUG Kyaw Moe Tun in ramsung buainak a daih hnuah ralkap pawl ih an rak siatsuahmi rampi daan 1982 Citizenship Law cu tuah ṭhasal in daan vekin rammi sinak an pek tum thu a phuang.

Kyaw Moe Tun in ‘National League for Democracy (NLD) cozah laiah ralkap in Rohingya pawl ti cimit an rak tum. ICJ in an thuhla a buaipinak ah thilṭulmi pawl tawlrelpi dingin NUG cozah cu a ralring ringring” a ti.

Be the first to comment

Leave a Reply

Your email address will not be published.


*