Mipi In Dalan Nupa An Kap Ih An Pa A Thi

Myanmar ramsung hmuntinkim ah mipi in thuneihnak latu ralkap pawl an do rero thlang, ralkap lamtang thih thuhla khal theih ding aum ringring thlang.

Daiten lamzawhnak in rahṭha a suahpi thei lo ruangah mipi pawl khal an um men thei nawn lo ih meithal kengin zalennak an sualsuak tum sawn. May 23 zinglam nazi 8:15 hrawngah mipi in dalan nupa, mipi hek ṭheutu cu an kap ih an pa a thi.

Sagaing Division. Tangse Township, Maha Myaing vengsung ih um U Thein Swe Aung (b) Maung Soe le a nupi Ma Chaw Su cu dalan nupa an si ti an theifiang.

U Thein Swe Aung cu PyuSawHtee pawlkom ih tel a si ih dalan khalah a luarkai pawl a si. Vengsung mipi ih cangvaihnak le cangvaih tumdan pawl cu ralkap/palik hnenah arak sim thei ringring.

Curuangah May 23 zinglam ah zo ti theih loin an nupa in an kap. Yae Oo Hospital ah an tlanpi ih siizung an thleng hnuah U Thein Swe Aung cu a thi, a nupi Ma Chaw Su khal hliamhma nazet tuar in siizung ah an tuamhlawm rero lai.

Be the first to comment

Leave a Reply

Your email address will not be published.


*