Mipi In ‘Htet Htet Moe Cu Zalennak Kan Ngah Tikah Mipi Lakah Kan Umter Lo Ding’ An Ti

Myanmar ramsung buainak ah milar ṭhenkhat cu rammi pakhat sinak vekin an cangvai ve ruangah ralkap pawlin an kai ih ṭhenkhat cu hmun dang ah an tlan, an relh. Cutik laiah milar ṭhenkhat cu zianghman an rak cangvai lo ruangah mipi in an soisel ciamco.

Milar pakhat ih auaw cu mipi thawngtel ih auaw aiin a ring sawn an rak ti ruangah mipi in Myanmar milar pawl ih cangvaih ding cu an beisei zet, ralkap pawl khalin an hua cuang. Kum 50 mi Htet Htet Moe cu tulai ah soiseltu anei tam zet.

Myanmar ramsung buainak ah a cangvaihnak hmuh ding aum lo ih online par khalah a dai reprep. A hlanah a facebook page cahmai ah ca le live video pawl arak thlah ringring nan ralkap in thuneihnak an lak hnu ihsin a dai reprep.

Cumi hnuah a facebook page cu a phit, hmuh ding aum nawn lo. Myanmar ramsung ah UN pawl an ra ding timi thuthang aum veten a facebook page cu a ongsal ih a kutzung pathum tung lai zuk a post.

Asinan, UN pawl an ra sal lo ruangah a facebook page cu a phit lala, a hlosal tin mipi in an soisel ciamco. Htet Htet Moe ih rualpi pawlin a harhdamnak a ṭha lo ruangah zianghman a cangvai thei lo tin an cover sak nan mipi in an zum thei nawn lo.

Curuangah “Zalennak kan ngah tikah Htet Htet Moe cu mipi lakah kan umter lo ding. Milar a sinak ihsin khal kan hlonhlo ding” an ti.

#Bonus: Hlasakthiam Sai Sai Kham Hlaing khal a fans pawlin an tlansan rero lai, reilote sung lamzawhnak ah a tel nan mipi lung a tong thei nawn lo.

Be the first to comment

Leave a Reply

Your email address will not be published.


*