Mipi In ‘Zalennak Kan Ngah Hnuah Thin Zar Wint Kyaw Cu Tu Hnakin Thazang Kan Pe Sinsin Ding’ An Ti

Myanmar ramsung buainak ah Actress Thin Zar Wint Kyaw cu nasa zetin arak cangvai rero zo, ramsung a buai pekte ihsin lamzawhnak ah a tel ih mipi hrang ei le in ding khal a dar ṭheu.

Hitin a cangvaih ruangah ralkap pawlin kai dingin an hawl ih hmunhimnak ah a relh. Myanmar mipi pawl khalin “Zalennak kan ngah hnu, ramsung a daih hnuah Actress Thin Zar Wint Kyaw cu a hlan hnakin thazang kan pe sinsin ding” an ti.

A relhnak hmun ihsin a theih dandan in ralkap cozah cu a dodal rero lai. Kum 33 mi Thin Zar Wint Kyaw in “Burma ram cu mithatnak tualrawn ah a cang, doawknak tualrawn khal a si lo mithatnak tualrawn a si.

Ralkap le palik in daiten lamzawhtu mipi pawl an that, an kai ih zangfahnak nei loin an hrem ciamco. Leitlun mipi pawlin in zoh men nawn hlah uh, Myanmar mipi in bawm kan ṭul tuk” tin a Instagram ah a tarlang.

Be the first to comment

Leave a Reply

Your email address will not be published.


*